Categories
Labarai

2019: Sanata Dino Melaye yace APC ta mutu

Sanata mai wakiltar jihar Kogi ta yamma, Dino Melaye ya bayyana cewar jam’iyyar mai mulki ta APC tana tunkarar dukkan hanyoyin faduwa a zaben 2019 idan har irin rikita rikitarda jam’iyyar take fama da ita ta cigaba.

Jaridar DAILY NIGERIAN ta ruwaito cewar Sanata Melaye, wanda yake fama da matsaloli da yawa, ko a makon da ya gabata rundunar’yan sanda ta kasa reshen jihar Kogi ta bayyana cewar tana nemansa ruwa a jallo, saboda zarginsa da taimakawa kungiyoyin ‘yan daba.

Bayan haka kuma,kotun daukaka kara  ta baiwa hukumar zabe damar cigaba da yiwa Sanatan kiranye daga zaman dan majalisar dattawa mai wakiltar jihar Kogi ta yamma a majalisardattawan Najeriya.

Akwai tsattsamar alaka tsakanin Gwamnan jihar Kogi Yahya Bello da shi Sanata Dino Melaye da kuma bambanci mai yawa tsakaninsu.

A lokacin da yake magana da sashin Hausa na BBC wanda DAILY NIGERIAN ta bibiya, Mista Melaye yayi kukan cewar jam’iyyar ta sa na cikin tsaka mai wuya, domin a cewarsa, masu rike da mukamai a cikin jam’iyyar kowanne na kwashe kafar dan uwansa.

“Akwai rikita rikita a cikin jam’iyyar APC da yawa, ya zama dole a fadi gaskiya kan hakan. Kowa na cin dunduniyar dan uwansa, ko dai a tsaya a sasanta wannan rikici ko kuma jam’iyyar ta kai kanta makabartar tarihi a zaben 2019”

Melaye ya bayyana cewar gwamnan jihar Kogi Yahya Bello yana ta shirya masa makarkashiyar ganin ya ga bayansa, da kuma sanyawa a kashe shi.

Ya kuma bayyana cewar duk wannan gwagwarmayarda yke yi yana yi ne domin talakawa da kuma cigabansu da fatan ganin sun sami kyautatuwar rayuwa.

Categories
Wasanni

‘Yan wasan ‘Super eagles’ na Najeriya zasu kece raini da na Ingila

Daga Abba Ibrahim Wada Gwale

Hukumar kula da qwallon qafa ta qasar ingila, FA ta bayyana cewa ta amince da tayin da qasa Nijeriya tayi mata na buga wani wasan sada zumunci domin tunkarar wasan cin kofin duniya.

Tawagar qwallon qafar ta Ingila za ta buga wasan sada zumunta da ta Nigeria a shirin da take yi na fafatawa a gasar cin kofin duniya da za a yi a Rasha.

Ingila na fatan yin wasa da Super Eagles ta Najeriya ne a filin wasa na Wembley dake birnin Landan a ranar 2 ga watan Yuni na wannan shekarar da ake ciki

Haka kuma tawagar ta Ingila za ta yi wasan sada zumunta da tawagar yan wasan qasar Costa Rica a Elland Road ranar 7 ga watan Yuni, sannan ta wuce zuwa qasar Rasha domin fara wasanni.

Ingila wadda mai koyarwa Gareth Southgate ke horar wa tana rukuni na bakwai da ya qunshi qasashen Tunisia da Panama da kuma qasar Belgium.

Nigeria kuwa tana rukuni na hudu da ke dauke da qasashen Argentina da Iceland da kuma Croatia.

Mai koyar dayan wasan Najeriya, Gernot Rohr, ya bayyana cewa wasa da qasar ingila zai taimakawa yan wasansa da gofewa da kuma sannan yadda zasu tunkari manyan qasashe a qasar Rasha.

Acikin wannan satin ne dai Najeriya ta buga wasannin sada zumunta guda biyu da qasashen Poland da Serbia inda tasamu nasara akan Poland xin daci 1-0 yayibda kuma tayi rashin nasara akan Serbia daci 2-0.

Itama ingila ta buga wasannin sada zumunta guda biyu da qasashen Holland da Italiya inda tasamu nasara akan qasar Holland daci 1-0 sannan kuma tayi kunnen doki 1-1 da qasar Italiya.

Categories
Wasanni

Morinho zai yi zaman sulhu da Pogba da Luke Shaw

MOURINHO ZAIYI ZAMAN SULHU DA POGBA DA LUKE SHAW

Daga Abba Ibrahim Wada Gwale

Rahotanni daga qasar ingila sun bayyana cewa mai koyar da yan wasan qungiyar qwallon qafa ta Manchester United, Jose Mourinho zai tattauna da yan wasan qungiyar guda biyu da baya shiri dasu wato Paul Pogba da Luke Shaw.

Mourinho dai baya shiri da Pogba sosai inda takai ma basa Magana sosai kuma ya ajiye xan wasan a wasan da qungiyar ta buga na qarshe na wasan cin kofin qalubale na FA  da qungiyar Brighton Albion a sati biyun da suka  gabata.

Shima Shaw an bayyana cewa basa ga miciji da Mourinho bayan da Mourinho yafito fili ya soki xan wasan bayan an tashi daga wasan da qungiyar ta buga na gasar cin kofin FA kuma a lokuta da dama daman Mourinho yakan soki xan wasan.

Mourinho dai ya shirya tattaunawa da waxannan yan wasa ne domin kawo kwanciyar hankali a qungiyar sannan kuma domin ganin qungiyar taci gaba da samun nasara a wasanninta batare da ansamu rabuwar kai acikin yan wasan qungiyar ba.

Tattaunawar dai zata gudana ne domin a fahimci juna sannan kuma kowa yafaxi abinda yake faruwa daga baya kuma asamu yadda za’ayi a kawo gyara da kuma gujewar faruwar abin anan gaba.

Manchester United dai zata fafata da qungiyar Swansea City a yau Asabar da misalin qarfe uku na rana yayinda kuma qungiyar take matsayi na biyu da maki 65 akan tebur sai kuma Swansea take mataki na 14 da maki 31.

Categories
Kanun Labarai

Bawan Daji: Mutane na cikin firgicin karuwar Kashe kashe a kauyen Zamfara

Bawan Daji, wani kauye ne dake yankin karamar hukumar Anka dake jihar Zamfara, garin ya kasance cikin firgici da tashin hankali sakamakon kashe akalla mutane 60 da wasu ‘yan ta’adda suka yi a wasu hare hare guda biyu da suka kai kauyen.

Maharan dai sun kai wannan harin ne, a sakamakon wata tattaunawa da mutanan garin suka yi kan yadda zasu yi maganin ‘yan ta’adda masu kai musu farmaki a farkon kakar bana.

Tuni dai maharan suka yiwa al’ummar kashedin cewar babu yin aikin gona a bana, a wannan yanki baki dayansa.

Liman Umar, daya ne daga cikin Shugabannin al’umma a yankin, kuma shi ne mataimakin babban limamin garin, ya shaidawa manema labarai cewar maharan, sun jima suna matsawa mutane a yankin, suna bayyana muggan makamai a tsakanin mutane ba tare da tsoro ko fargaba ba.

“Bayan da ‘yan sintiri na garin nan suka yi wani taro domin tattauna hanyoyin magance hare haren wadannan ‘yan ta’adda a ranar Talata, wadannan mahara suka kawo mana wani mummunan hari, sun kashe har da wasu wadan da suke kokarin guduwa domin tsira da ransu”

Yace an samu da yawan gawarwaki sun fara lalacewa a cikin daji, wasu gawarwakinma ba za’a iya dauko su daga cikin daji a yi musu sutura ba sabida yadda suka rube suka lalace, bugu da kari, mutane a firgice suke da shiga cikin daji domin gudun abinda zai je ya dawo, domin ana da yakinin wadannan ‘yan ta’adda suna nan zaune cikin dajin.

Yace daya daga cikin mutanan kauyen, Danlai Shabalai, an kashe shi a lokacin da jami’an tsaro suka jiyo shi yana magana da maharan ta wayar tarho.

Shugaban karamar hukumar Anka, Mustapha gado, ya tabbatar da cewar an yi jana’izar mutane 32 a cikinsu akwai yara da mata wadan da suka rasu a wani asibiti a Gusau babban birnin jihar ta Zamfara.

Mustapha Gado yace har ya zuwa yanzu an cigaba da laluben gawarwakin wasu wadan da ba’a gansu ba, duk kuwa da cewar an baza jami’an tsaro a yankin da abin ya auku, amma kuma kusan dukkan mutanan kauyen sun gudu sun bar gidajensu, saoda suna zaton maharan zasu iya dawowa.

Mai martaba Sarkin Anka, Alhaji Attahiru Ahmad wanda shi ne Shugaban majalisar Sarakunan jihar Zamfara, yace wadannan kashe kashe da ake yi a yankin suna cigaba da aukuwa ne sabida karancin jami’an tsaro dama gawazawarsu ta wani fanni.

NAN

Categories
Labarai

Masu amfani da tituna a Legas sun koka da ziyarar da Buhari ya kai jihar

Daga Hassan Y.A. Malik

Wasu mazauna jihar Legas da ke son tafiya garuruwansu don gabatar da bikin Ista (Easter) da ma mutane ‘yan gari da ke amfani da titina sun nuna rashin jin dadinsu da yadda ziyarar aiki na kwanaki 2 (daga Alhamis zuwa gobe Juma’a) da Shugaba Buhari ya kai ya haddasa musu wahala na babu gaira babu dalili sakamakon wasu titinan jihar da gwamnati ta yi.

Wasu matafiya da za su bi jirgin sama sun nuna takaicinsu kan yadda suka yi tafiyar kafa mai nisa zuwa tashar sauka da tashin jiragen sama na Murtala Muhammed da ke Legas din.

Tun da misalin karfe 5:00 na asubahin yau ne dai jami’an tsaro suka fara shingace titinan Agege Motor Road, Airport Road da titin Mobolaji Bank-Anthony da sauran kananan titinan da suka hada wadannan titina.

Shugaba Buhari zai shigo jihar Legas ne don ya kaddamar da wata babbar tashar mota ta zamani da gwamna Ambode ya gina, wacce aka yi wa suna da Ikeja Bus Terminus da dai sauran sauran ayyukan gwamnan Legas din da ya ke so Buhari ya kaddamar.

Wannan ziyara ta shugaban kasa, da matakin tsaro da rage cinkoson ababen hawa da gwamantin jihar Legas ta dauka ya shafi lokutan tashin jiragen sama, inda da dama suka kara sama da awa guda don su jira fasijojin da ko dai cinkoso ya tare su, ko kuma wadanda aka sauke a nesa da tashar jirgin kuma suka taka zuwa filin jirgin.

Kamfanin Air Peace ala dole ya soke tashinsa daga Legas zuwa Jos na safiyar yau. Shi ma kamfanin Arik Air an ji yana ta bawa fasinjojinsa na Legas zuwa Fatakwal na karfe na safe hakuri da su dan saurara kadan don jiran wadanda halin da ake ciki ya hana karasowa akan lokaci.

Sai dai kuma, Darakta mai lura da harkokin jama’a na hukumar filayen jiragen sama na kasa, Mrs. Henrietta Yakubu ta bayyana cewa ta bayyana cewa rufe hanyoyin da kuma hana motoci shiga da fita daga filin jirgin saman Murtala Muhammed da gwamnati ta yi, ta yi hakan ne don Shugaba Muhammadu Buhari ya samu wucewa a hanyoyin Legas cikin sauki.

Wani kwararre akan harkokin sufurin jirgin sama kuma mai fada a ji a harkae sufurin jirgin sama na kasa, Kyaftin John Ojikutu mai ritaya, ya bayyana rufe titinan da za su kai fasinjojin jiragen sama zuwa filin jirgi a matsayin wani shiri da ya kawo wa matafiya rashin jin dadi.

“Bai kamata a ce zuwan shugaban kasa ya saka a jefa mutane cikin wani hali ba. Kamata ya yi a ce a bar ababen hawa su kawo fasinjoji har zuwa gidan mai na Forte Oil, kusa da shataletalen caji ofis na Bisam.

Wasu matafiya biyu, Mista Ejike Agu da Mista Augustine Iweh sun bayyanawa kamfanin dillancin labarai NAN cewa kamata ya yi a ce a aikewa da matafiya sako na musamman kan batun rufe hanyoyin da za su kai su filin jirgi don su shirin kar ta kwana.

Mista Agu ya ci gaba da cewa wasu daga cikinmu za su yi tafiya ne zuwa garuwansu don yin hutun Ista, sam bai kyautu ba abinda aka yi mana ba na rufe hanyoyin da za su kawo mu tashar jirgi. An saka min yi tafiyar kafa daga wuri mai nisa zuwa inda za mu hau jirgi.

Shi kuma Iweh cewa ya yi, ya yi sa’ar samun direban tasi da ya san gari, inda ya yi ta kurdawa da shi lunguna da sakuna har ya kawo shi tashir jirgin, amma ya caje shi Naira 5,000.

Categories
Kanun Labarai

Buhari ya kaddamar da katafariyar tashar mota ta zamani a Legas

Shugaban kasa Muhammadu Buhari a ranar Alhamis ya kaddamar da Ikeja Bus Terminal,katafariyar tashar mota ta zamani, a cigaba da ziyarar da yake yi ta kwana biyu a jihar Legas.

Wannan katafiriyar tashar mota ta zamani irinta ta farko a Najeriya da aka kaddamar a Legas na daya daga cikin manyan ayyukan da Gwamnan jihar Legas Akinwunmi Ambode ya gabatar.

Gwamna Ambode, ya taimakawa Shugaban kasa Muhammadu Buhari wajen kaddamar da wannan tashar da aka gina a tsakaiyar birnin jihar Legas dake Ikeja.

Sabuwar  tashar zata kasance babbar santa ta harkokin sufuri a yankin Ikeja dake jihar Legas wanda akalla mutane 50,000 zasu dinga safara akullum. Inda daga nan mutane zasu tashi zuwa ko ina a fadin jihar Legas musamman gurare da suka kunshi Oshodi da Ojota da Iyana-Ipaha da Maryland da Agege da Ogba da CMS da Obalende da sauransu.

 

 

Categories
Labarai

Sarkin kasar Yarabawa ya dauki nauyi karatun yara 270 a makarantun Sakandire

Ooni Na Ife, Adeyeye Ogunwusi ya baiwa yara 270 tallafin karatun Sakandire a yankin kasashen Yarabawa a shekara biyu da suka gabata.

Wannan sanarwa ta fito ne daga bakin Adeyanju Olaoluwa, mai lura da sashin bayar da tallafin karatun na yankin kudu maso yamma, ya bayyana hakan ne a lokacin da daliban da suka ci gajiyar wannan tallafi suka kaiwa Sarkin ziyarar godiya da nuna jindadi”

Mista Olaoluwa ya bayyana cewa daga cikin irin abubuwan da Ooni na Ife ya cimma a tsawon shekaru biyu na mulkinsa har da wannan tallafi da yake baiwa bangaren karatun Sakandire domin tallafawa masu karamin karfi.

A cewarsa, Sarkin ne ya nemi ya bayar da sunayen daliban da ba zasu iya biyan kudin makaranta domin ya tallafa musu da biyan kudin makaranta. A sabida haka muka zakulo yara daga makarantu 37 da suke da matsalar biyan kudin makaranta.

Ya kara da cewar, akwai dalibai 68 da aka biyawa kudin rubuta jarabawar WAEC a cikin makarantu 23 dake fadin kasar Yarabawa ta kudu maso yamma.

Da yake mayar da jawabi a lokacin da daliban suka ziyarce shi, Ooni na Ife ya yiwa Allah godiya da ya bashi ikon tallafa musu da kudin makaranta har suka cimma burinsu na samun ilimi.

Sarkin ya kuma ja hankalin daliban da cewar kada su taba yanke tsammani a rayuwa, su kyautata zato ga Allah kuma su dage zasu ci nasara.

Yemi Opawoye-Adeagbo mataimakin Shugaban makarantar Ilobu ya yi godiya ta musamman ga Sarkin a madadin daliban ya kuma yi masa adduah da fatan alheri.

Categories
Labarai

Zaman Lafiya: El-Rufai ya gana da Shugabannin Fulani a jihar Kaduna

Gwamnan jihar Kaduna,Malam Nasiru El-Rufai a ranar laraba ya gana da Shugabannin kungiyoyin Fulani a yankunan masarautun jihar 32 domin tattauna hanyoyin samar  da dawwamammen zaman lafiya a jihar.

Gwamnan ya bukace su da su yi duk abinda ya dace domin samar da zaman lafiya a dukkan fadin jihar, sannan kuma su tabbatar yaransu suna zuwa makaranta domin samun ilimi mai inganci.

“Mun kirawo wannan taron ne domin tattauna batun zaman lafiyar jihar Kaduna. Zaman lafiya shi ne abinda muka fi bukata yanzu”

“Zamu tsaya kai da fata wajen yin aiki da dukkan jami’an tsaro domin tabbatar da samun zaman lafiyar jihar Kaduna”

“Dole ne kowa ya kiyaye yin dukkan wani abu da zai kawo yamutsi da rashin zaman lafiya”

“Samun ingantaccen ilimi shi ne ginshikin samar da zaman lafiya mai dorewa. Duk al’ummar da ba ta da ilimi to ta gama lalacewa”

“Sai da ilimi ne zamu iya koyar da al’ummarmu domin kaucewa maganganun da zasu tayar da hayaniya, sannan su kaucewa rikici ko wanne iri ne, sannan kuma a kaucewa duk wani abu da yake da alaka da talauci da rashin aikin yi, idan babu ilimi duk wannan ba zai yuwu ba” A cewar Gwamnan jihar Kaduna.

 

Categories
Taska

Jarumarfinafinan Hollywood ta sayar da burudcintakan kudi Naira miliyan 606

Daga Hassan Y.A. Malik

Budurwan nan mai shekaru 26 da haihuwa ‘yar asalin kasar Burtaniya kuma dalibar kwaleji, Jasmin, da ta sanya budurcinta a kasuwa a fitaccen kafar saye-da-sayarwar budurci ta yanar gizo wato CINDERELLA ESCORT, a karshe dai ta samu wani jarumin masana’antar shirya finafinai na Hollywood da ya biya kudi wuri na gugan wuri yuro miliyan 1.2 (€1.2) daidai da dalar Amurka miliyan 1.48  ($1,482,528) daidai da Nairar Nijeriya miliyan 606.

Jasmin, wacce ke zaune a birnin London ta bayyana a shafukan farko na jaridun Burtaniya bisa kasa budurcinta da ta yi a kasuwa ga mai bukata, inda ta bayyana cewa za ta yi amfani da kudaden da ta samu daga hada-hadar wajen jan jari.

Ta ce ta gwammace ta karbi kudi a raba ta da budurcinta da ta bayar da shi a banza tunda ta gaji da jiran mijin da za ta amince ta bashi rayuwarta a matsayin miji.
Jarumin finafinan (an boye sunansa) wanda dan asalin jihar Los Angeles na Amurka ne ya yi nasarar samun wannan dama na kawar da budurcin Jasmin ne bayan ya kayar da abokan kararwarsa biyu, wani dan kasuwa daga birnin Munich na kasar Jamus da kuma dan wasan kwallon kafa da ke buga Firimiya Lig din Ingila.

Jasmin ta bayyana cewa iyayenta sun goya mata baya a wannan harkar ta cinikayyar budurcinta kuma sun yi murna da hukuncin da ta yanke.

“Shekaruna 26 da haihuwa, a saboda haka ina da ‘yancin zabar duk yadda na so na yi da jikina. Ban taba tsammanin farashin budurcina zai kai haka ba. Na yi matukar mamaki da farashin da jarumin ya bani,” inji Jasmin.

Categories
Taska

Talauci ya sanya wasu maza bada hayar matansu ga Turawa ‘yan yawon bude ido

Daga Hassan Y.A. Malik

Tsananin talauci ya sanya mazaje baiwa turawa hayar matansu na dan wani lokaci domin su samu kudin da za su kula da iyalansu.

Wannan kwamacala dai na faruwa ne a kauyen Kwale da ke Mumbasa a kasar Kenya inda a kowacce shekara dubunnan turawa ke zuwa yawon bude ido

Lamarin ba ya tsaya ne akan maza ba kawai, har mata ma na bada hayar mazajensu ga matan turawa na wani lokaci.

Wasu ma’aurata a kauyen na Kwale da aka bayyana sunayensu da Sande Ramadan da matarsa Wambui, sana’ar da suke yi kenan domin su kula da ‘ya’yansu uku.

A wani rahoto da Aljazeera ta wallafa, Sande wanda ke tare da matarsa na tsahon shekaru 20 ya bayyana cewa sun fara wannan harka ne a 2006.

Ya ce a lokacin ya na sayar da riguna ga turawan da ke zuwa yawon bude ido kauyensu, kuma a ko da yaushe a cikin babu suke saboda kudaden da ya ke samu ba su isa ya kula da iyalansa.