Wani kwamiti na ma’aikatar ilimi mai zurfi ta Afganistan ya ce yana kan shirin sake bude jami’o’i ga dalibai mata, kamar yadda kafafen yada labarai na kasar suka ruwaito a yau Litinin.

Kwamitin ya bayyana hakan ne a lokacin wani rahoto na shekara-shekara na ma’aikatar.

“Za mu raba shi ga jama’a idan an kammala shirin,” in ji rahoton.

Mukaddashin ministan ilimi mai zurfi, Lutfullah Khairkhwa ya ce har yanzu ba a bayyana lokacin kammala shirin ba.

Ya zuwa yanzu dai an hana mata shiga jami’o’i a kasar Afganistan.

Ma’aikatar Ilimi mai zurfi ta sanar da hana ilimin mata a watan Disambar 2022.