A yau ne a ke sa ran kawo gawar Sani Ɗangote, ƙani ga Aliko Ɗangote daga Amurka domin a yi masa jana’iza.

A tuna cewa Sani Ɗangote, wanda shi ne mataimakin shugaban rukunin kamfanonin Ɗangote, ya rasu a Amurka bayan ya sha fama da jinya.

Wata majiya daga dangin marigayin ta sanar da jaridar Daily Trust cewa a na sa ran za a kawo gawar mamacin sannan a yi jana’izar sa a gidan Aliko Ɗangote da ke Nassarawa GRA a birnin Kano.

Marigayin ya bar mahaifiyarsa, matarsa,  ƴaƴa takwas da kuma yaiye da ƙanne.