A yau Litinin ne a ka gurfanar da wani matashi mai shekaru 30 da haihuwa mai suna Moses Afolabi a gaban wata Babbaru Kotun Majistare da ke Yaba a Jihar Legas da laifin sace wa kamfanin da ya ke yi wa aiki Naira 800,000.

Wanda ake tuhumar, mazaunin unguwar Surulere da ke Legas, na fuskantar tuhume-tuhume biyu na hada baki da sata.

Sai dai ya musanta zargin da a ke masa.

Mai gabatar da ƙara, sifeto Modupe Olaluwoye ta wace wanda a ke ƙara ya aikata laifin ne a ranar 8 ga watan Oktoba 2021 da misalin ƙarfe 6 na yamma a unguwar Surulere.

Ta ce wanda a ke ƙara, wanda a ka ɗauke shi a matsayin dan aike a kamfanin magungunan gina jiki, ya sace kaya a kamfanin na kimanin N800,000 da a ka bashi ya kai wani waje, mako daya take da ɗaukar sa aiki.

Olaluwoye ta kuma bayyana cewa wanda ake zargin ya kuma hada baki da wani ɗan aike a kamfanin ya sace babur na kamfanin.

Laifukan, in ji mai gabatar da kara, sun saɓa wa sashe na 411 da 287 (7) na dokokin laifuka na jihar Legas, na shekarar 2015 (Da a ka yi wa kwaskwarima).

Sashe na 287 (7) ya tanadi daurin shekaru bakwai a gidan yari idan aka same shi da laifin sata daga sa, yayin da 411 ya tanadi daurin shekaru biyu a gidan yari saboda hada baki.

Alkalin kotun, Linda Balogun, ta bayar da belin wanda ake kara a kan kudi N100,000 tare da mutane biyu masu tsaya masa.

Balogun ta ce ya kamata a yi amfani da wadanda za su tsaya wa aiki yadda ya kamata tare da nuna shaidar biyan haraji na shekara uku ga gwamnatin jihar Legas.

Ta kuma kara da cewa, dole ne wadanda za su tsaya wa tsayawa takara su nuna shaidar samun aikin yi, hanyoyin samun kudin shiga sannan kotu ta tantance adireshinsu da ofisoshinsu.

Balogun ta dage sauraren karar har zuwa ranar 5 ga watan Mayu.