Wata Babbar Kotun Tarayya da ke Abuja, a yau Alhamis, ta sallami tare da wanke tsohon Manajan- Daraktan, GMD na Kamfanin Mai na Najeriya, NNPC, Andrew Yakubu, daga tuhumar da ake masa na karkatar da kuɗaɗe.

Mai shari’a Ahmed Mohammed, a wani hukunci da ya yanke, ya ce Hukumar Yaki da Cin-hanci da Rashawa ta Ƙasa, EFCC, ta gaza tabbatar da zargin da ta ke yi wa wanda ta ke ƙara ba tare da wata shakka ba.

Mai shari’a Mohammed ya ce hukumar EFCC ta kasa tabbatar da wasu hujjoji uku na sashe na daya na dokar haramta safarar kudade da ta dogara da shi.

“Ko da yake EFCC ta kira shaidu shida a kan Yakubu, tsohon GMD, a lokacin da yake nuna mallakin kudaden da ake zargin ya wawure, ya ce an karbo kudin ne a matsayin kyauta da fatan alheri daga abokan arziki bayan ya yi ritaya a 2014,”

Mohammed ya ce Yakubu, yayin da yake bayar da shaidarsa a matsayin mai bayar da shaida na farko, DW1, ya ce kudaden da suka hada da Naira da na kasashen waje, an karbo su ne a tsitstsinke ba a dunkule ba kamar yadda masu gabatar da kara suka yi zargin.

Alkalin kotun ya ce ya kamata EFCC ta nemi Yakubu ya ambaci sunayen wadanda su ka bayar da tallafin, kuma idan zai yiwu a gayyace su domin amsa tambayoyi amma ta kasa yin hakan.

A tuna cewa a 2017, EFCC ta kai samame gidan tsohon shugaban NNPC dake Kaduna, inda ta gano dala 9, 772, 800 da fam 74, 000 (dala miliyan 9.7 da fam 74,000) a cikin wani ma’aji.

Kotun daukaka kara ta kuma soke tuhume-tuhume biyar da shida sannan ta umurci Yakubu da ya kare kansa kan laifuka uku da hudu.

Ya ƙidaya uku da huɗu waɗanda ke da iyaka kan gazawar yin cikakken bayanin kadarorin, karɓar tsabar kuɗi ba tare da shiga cikin cibiyar kuɗi ba da niyyar gujewa yin mu’amala ta halal bisa zargin keta sashe na 1 (1) na dokar satar kuɗi, 2011 kuma ana hukunta shi ƙarƙashin sashe. 16 (2) (b) na Dokar.