Sanata Rabi’u Musa Kwankwaso ya naɗa fitaccen malamin addinin musuluncin nan na Kano, Sheikh Aminu Ibrahim Daurawa a matsayin babban limamin masallacin Juma’a wanda ya gina.

A cikin wata sanarwa da gidauniyar Kwankwasiyya Development Foundation ta fitar, Daurawa, tare da wasu fitattun malaman addinin Islama guda bakwai an sanar da shi a matsayin Babban Limami, Limamai da mambobin kwamitin gudanarwa na masallacin da aka yi wa ginin zamani, da ke a unguwar Miller road, a unguwar Bompai a Nasarawa GRA, Kano.

Sen. Rabiu Musa Kwankwaso, dan takarar shugaban kasa a jam’iyyar NNPPne ya gina masallacin ne a karkashin gidauniyar ta agaji mai suna (Kwankwasiyya Development Foundation) kuma ya bayar da shi sadaƙatul jariya ga al’umma.

Kwankwaso ya ce ya sadaukar da masallacin ne ga mahaifinsa, marigayi Alhaji Musa Kwankwaso, Majidadin Kano wanda ya rasu a ranar 24 ga Disamba, 2020.

Jerin sunayen limamai da mambobin kwamitin gudanarwa na masallacin

An amince da jerin limaman Alh. Ana sanar da Musa Kwankwaso Masjid da Board Members na Amana Islamic Centre, Kano ga jama’a.

1. Sheikh Aminu Ibrahim Daurawa (Babban Limami kuma Shugaban Cibiyar).

2. Sheikh Sadiq Isa Abdullahi (Imam)

3. Sheikh Gwani Baffa Ite (Imam).

4. Sheikh Bazallah Nasir Kabara (Imam)

5. Dr. Sani Ashir (Mamban kwamitin).

6. Dr Muhammad Khamis Hussain (Sakatare kuma memba)

7. Sheikh Nura Abdullahi Salihu (Dan Majalisar).

8. Malam Ashir Nata’ala (Sallar Imam).