Hukumar Kididdiga ta Kasa, NBS, ta ce Hukumar Kula da Jiragen Kasa ta Najeriya ta samu N715.09 a cikin kudaden shiga daga fasinjoji a cikin Q3 na shekarar 2022.

Wannan na kunshe ne a cikin bayanan sufurin jiragen kasa na na zangon shekara na uku da na hudu (Q3) da (Q4) na 2022 da NBS ta fitar a Abuja a yau Talata.

Rahoton ya nuna cewa adadin ya ragu da kashi 60.52 bisa dari idan aka kwatanta da Naira biliyan 1.81 da aka samu a Q3 na 2021.

Hakazalika, ya nuna cewa an tara Naira miliyan 101.84 a cikin Q3 2022 a matsayin kudaden shiga da aka samu daga dakon kayayyaki, wannan ya ragu da kashi 7.04 bisa dari daga N109.56 da aka samu a Q3 2021.

“Haka kuma, shigar kudade ya karu da kashi 707.31 a cikin Q3 na 2022 daga N14.61 miliyan da aka samu a Q3 2021.”

Rahoton ya kuma nuna cewa adadin fasinjojin da ake jigila a jiragen kasa a Q3 2022 ya ragu da 500,348.

“Wannan ya yi ƙasa da na 696,841 da aka samu a cikin Q3 2021, yana wakiltar haɓakar kashi 28.20 bisa ɗari. ”

Bugu da kari, rahoton ya nuna cewa an yi jigilar tan 33,312 na kaya a cikin Q3 2022, idan aka kwatanta da tan 51,726 da aka ruwaito a cikin Q3 2021.