Jami’an Ma’aikatar Ƙasa da Safiyo, gami da ƴan sanda sun garƙame ofishinNureini Jimoh, SAN, da ke lamba 16c kan titin Murtala Mohammed da ke cikin garin Kano.

A jiya talata ne dai lauyan ya tsayawa ɓangaren Sanata Ibrahim Shekarau ya samu nasara a kan tsagin Gwamna Ganduje na Jam’iyar APC a kotu, inda ta rushe shugabancin Abdullahi Abbas.

Lauya ya tabbatarwa jaridar DAILY NIGERIAN cewa jami’an sun zo sun kulle shi a ofishinsa tare da ma’aikatan sa a cikin ginin.

Ya ce “a halin yanzu da nake magana muna cikin ofishin an garƙame mu kuma da sauran ma’aikata. Bamu san ma yadda za mu fita daga ciki ba,”

Ƙarin bayani na nan tafe…